Kirinni

Kirinni ye jɔrɔnako ye min bɛ sɔrɔ fɛn dɔw senfɛ i n’a basibɔn jugumanba, jikodɛsɛ, joginda jugumanba, jenini, faritɛnɛbana walima banakisɛ donni joli la. Nin kirinni suguya ni balanako walima siranya kirinni tɛ kelen ye. A tigi fari bɛ girinya, a bɛ dɛsɛ ka a ka baara kɛ ka ɲɛ. Kirinni taamasiɲɛw yeli ni a juguyali bɛɛ bɛ ɲɔgɔn kɔ. Kirinni ka kan ka furakɛ teliya la walasa ka a tigi ni kisi.

Kirinni taamasiɲɛw

• Siran walima seriserili, o kɔ hakiliɲagami, fangadɔgɔya ani kirinni
• Wɔsiji sumalen: fari ɲɛ jɛyali, a sumayali ani nɛnɛ
• Dusukun tantanni hakɛ dɔgɔyali, a teliyali
• Tansiyɔn jiginni.

A Furakɛcogo

Dɛmɛ ɲini. Sani o cɛ:

• Aw bɛ kirinni sababuw furakɛteliya la: ni basibɔn don, aw bɛ joginda digi (aw ye sɛbɛn ɲɛ Joginda digili lajɛ). Ni farilajidɛsɛ don, aw bɛ jimafɛnw di a ma (aw ye sɛbɛn ɲɛ Kɛnɛyaji lajɛ kɔnɔdimiko, kɔnɔbɔli ni tumuko la). Ni kirinni sababu ye jolilabana ye (bana min bɛ jolibolisiraw bonya), banakisɛ­fagalanw ka kan ka kɛ a la teliya la (aw ye sɛbɛn ɲɛ Jolijuguman furakɛcogo lajɛ).
• Aw bɛ a kɛ cogo bɛɛ la nɛnɛ kana a tigi minɛ (walima aw bɛ fini bɔ a tigi la ni funteni bɛ a la).
• Aw bɛ aw bolo don a kunbere kɔrɔ ka a senw kɔrɔta.
• Ni a bɛ se ka jifilen minɛ, aw bɛ jimafɛn dɔw walima kɛnɛyaji di a ma.
• Aw bɛ aw hakili sigi ka a tigi fana hakili sigi.
• Aw bɛ a fiyɛ ni jimafɛnw walima ka sɔrɔmuji kɛ a la (ni o y’a sɔrɔ aw bɛ a kɛcogo ɲɛdɔn) aw taatɔ dɔgɔtɔrɔso la.

📖 Gafe kɔnɔkow
← Segin kɔfɛ | Taa ɲɛfɛ →