Ni nugukun poyira ka bɔ kɔnɔbara yɔrɔ dɔ fɛ, aw bɛ a datugu ni fini saniyalen dɔ ye min sulen don kɔkɔji la ani ka dɔgɔtɔrɔ dɔ ka dɛmɛ ɲini. Aw kana nugu in ɲɔni ka lasegin.
Sigida 10 Furakɛli kunfɔlɔ
Ni mɔgɔ kɔnɔ bɛ a dimi ka a sababu kɛ: gosili ye i n’a fɔ binni, bolimafɛnkasara walima a tigi tanna a kɔnɔ na, aw bɛ a yɔrɔ lajɛ ni a birintilen tɛ barisa o de ye jolijiginni taamasiɲɛw ye kɔnɔbara la. Joli jigin ko jugu bɛ se ka laban kirinni ma. Fana, aw bɛ o taamasiɲɛ kelenw ɲini kɔnɔbara kan.
Ni aw ye nin taamasiɲɛ kofɔlenw dɔ kɔlɔsi mɔgɔ la, aw bɛ a tigi furakɛ ka ɲɛ (sɛbɛn ɲɛ Kirinni) ani ka dɛmɛ ɲini. Aw kana dumuni walima ji fosi di a tigi ma. Walasa ka kunnafoni caman sɔrɔ kɔnɔnabana furakɛcogo kan, aw ye sɛbɛn ɲɛ Dimi gɛlɛn juguman kɔnɔna na lajɛ.
Ni nugukun poyira ka bɔ kɔnɔbara yɔrɔ dɔ fɛ, aw bɛ a datugu ni fini saniyalen dɔ ye min sulen don kɔkɔji la ani ka dɔgɔtɔrɔ dɔ ka dɛmɛ ɲini. Aw kana nugu in ɲɔni ka lasegin.
Ni fɛn dɔ ye kɔnɔbara sɔgɔ ka a kun bɔ, a ka fisa aw kana a sama ka bɔ. Aw bɛ taa a bɔ dɔgɔtɔrɔ dɔ fɛ. Hali ni aw bɛ mɛn ka a sɔrɔ aw ma dɛmɛ sɔrɔ, aw kana a sama ka bɔ. Aw bɛ a meleke ni bandi ye walima fini dɔ walasa a ka to yɔrɔ kelen.
