A tigɛyɔrɔ dan.
Sigida 18 Ɲɛgɛnɛsiraw ani mɔgɔ dogoyɔrɔw
Laada la, cɛmisɛnniw bolo bɛ ko sigida caman na, ani musomaniw bɛ sigi nɛgɛkɔrɔ yɔrɔ caman na diɲɛ kɔnɔ. Bolokoli jɔyɔrɔ tɛ kɛnɛya la nka a bɛ kɛ sababu ye ka cɛ caman tanga sidabana ma. Faratiba tɛ bolokoli la. Nka musow ka nɛgɛkɔrɔsigi farati ka bon kosɛbɛ, o la a ka kan ka dabila. Bolokoliminɛn nɔgɔlen bɛ se ka sidabana bila mɔgɔ la.
Forokoni dɔ bɛ yen min bɛ bilakoro dogoyɔrɔ kun datugu. Ni sugunɛ bɛ bɔ ka ban, o bɛ a jira ko gɛlɛya tɛ yen. A ka ca a la o forokoni bɛ cɛya kun bila a yɛrɛ ma ni den ye san 4 sɔrɔ. Ni o kɛra, kun tɛ bolokoli la. Aw kana forokoni diyagoya wɔrɔ ka bɔ cɛya kun na.
Ni forokoni bilenna ka a funu ani ka a gɛrɛntɛ fo ka den bali ka sugunɛkɛ, o tɛ ɲuman ye. O la aw ka kan ka taa ni a ye dɔgɔtɔrɔ dɔ fɛ ka a bolo ko joona.
Ka da du ka laada kan, cɛmani bolo bɛ se ka ko tinminɛmuso fɛ walima a ɲɛdɔnbaga fɛ. A bɛ se ka forokoni kunni tigɛ ni lamu kura ye. Ni a tigɛra, basi bɛ bɔ. Aw bɛ bandi walima fini jɛlen dɔ da a la miniti 5 ɲɔgɔn, fo basibɔn ka jɔ. Furakɛla dɔw bɛ jiri dɔw ɲɛji da a la walasa la basi jɔ (aw ye sɛbɛn ɲɛ Gɔntɛgɛ lajɛ).
Bilakoroni cɛya
Aw bɛ forokoni kun sama
A tigɛyɔrɔ dan.
Aw ye aw jija aw kana cɛya kun tigɛ.
Cɛya kun bɛ se ka ye ka ɲɛ sisan.
Ni basibɔn ma jɔ joona, aw bɛ jolikuruw ko ka bɔ cɛya la ni ji sanuman ye, aw bɛ tila ka fini jɛlen dɔ da a la ka a bisi fo basibɔn ka jɔ. Fura kɛ kun tɛ a la.
Musomaniw ka nɛgɛkɔrɔsigi la, bolokolikɛla bɛ musoya kisɛ kunni tigɛ. Waati dɔw la, a musoya dawolo dɔ bɛ tigɛ a senfɛ. Musoya kisɛ kun tigɛli kɔlɔlɔ bɛ i n’a fɔ ni i ye cɛya kun tigɛ. Musomaniw man kan ka sigi nɛgɛ kɔrɔ. Muso minnu sigira nɛgɛ kɔrɔ, olu ka sugunɛkɛ ka ca, u ka musoyala banaw ka ca wa u bɛ degun caman sɔrɔ jiginni waati.
Musomaniw ka nɛgɛkɔrɔsigi basibɔn ka jugu ka tɛmɛ. Musomani bɛ se ka sa yɔrɔnin kelen o sababu la. O la, aw ka kan ka fɛɛrɛ tigɛ joona. Aw bɛ jolikuruw ko ka bɔ a da la ka basi bɔyɔrɔ ɲini ani ka fini jɛlen dɔ da a yɔrɔ miniti 5 kɔnɔ. Ni basibɔn ma jɔ miniti 5 kɔnɔ, aw bɛ aw bolo digilen to a yɔrɔ kan ka taa ni a ye dɔgɔtɔrɔso la. Aw bɛ aw hakili to kirinni taamasiɲɛw na (aw ye sɛbɛn ɲɛ Kirinni taamasiɲɛw lajɛ) ani banamisɛnni wɛrɛw.