Sigida 3 Banabagatɔ lajɛcogo

Kɛnɛya kunnafoni kunbabaw

Kunnafoni kunbabaw:

Sani aw ka maga banabagatɔ la, aw ye a lajɛ fɔlɔ a yɛlɛmacogo, a ninakilicogo, ani ni a hakili sigilen don, aw bɛ a jateminɛ fana ni a fanga ka dɔgɔn. Aw ye farilajidɛsɛ taamasiɲɛw ɲini (aw ye sɛbɛn ɲɛ Farikolojidɛsɛ taamasiɲɛw lajɛ) ani a siranya (aw ye sɛbɛn ɲɛ Kirinni lajɛ).

Aw ye a jateminɛ ni banabagatɔ balocogo ka ɲi walima ni a man ɲi, ani ni a kɛra i n’a fɔ dɔ bɔra a girinya la (dɔ bɔli girinya na, o kuntaalajan bɛ bana basigilen kofɔ, bana min bɛ mɛn sen na).

Ni banabagatɔ ye mɔgɔ jɛman ye, a ka fisa aw ka a fari ɲɛ lajɛ; banabagatɔ bɛɛ ɲɛw kɔnɔnaw ka kan ka lajɛ. Ni mɔgɔ man kɛnɛ, a ɲɛw ni a fari ɲɛ bɛ yɛlɛma tuma dɔw la. (Mɔgɔ finman fari ɲɛ yɛlɛmanen dɔn man di. O la aw ye o tigilamɔgɔ yɔrɔ jɛmanw lajɛ, i n’a fɔ a tɛgɛ kɔnɔnaw, a sentɛgɛw, a sɔniw, walima a dawolo kɔnɔna ni a ɲɛw.)

 

📖 Gafe kɔnɔkow
← Segin kɔfɛ | Taa ɲɛfɛ →