Sigida 3 Banabagatɔ lajɛcogo

Dusukun tantanni

Aw ye dusukun tantanni teliya ni a kɛcogo ɲuman jateminɛ. Ni mɔnturu bɛ aw bolo, aw bɛ a tantanniko hakɛ jateminɛ miniti kɔnɔ.

Ni aw bɛna dusukun tantanni jateminɛ, aw bɛ aw bolokɔniw da banabagatɔ bolokan na, i n’a fɔ a bɛ jaw la cogo min (aw kana a kɛ ni aw bolokɔnikunba ye, aw ye a kɛ ni bolokɔni tɔw ye).

Ja

Ni aw tɛ se ka dusukun tantanni jateminɛ bolokan na, aw bɛ a ɲini a tamanda la.

Ja

A laban na, aw bɛ se ka aw tulo da a disi la ka a dusukun tantankan lamɛn (walima aw bɛ se ka a kɛ ni dusukun tantankan lamɛnnan ye ni dɔ bɛ aw bolo).

Ja

Ni mɔgɔ bɛ sɛgɛnlafiɲɛbɔ la waati min o tigi dusukun tantanni hakɛ ɲuman de filɛ:

Mɔgɔkɔrɔbaw ta ye . . . . . tantanko 60 ye ka se 80 ma miniti kɔnɔ

Denmisɛnniw ta ye . . . . . tantanko 80 ye ka se 100 ma miniti kɔnɔ

Denw ta ye . . . . . . . . . . . tantanko 100 ye ka se 140 ma miniti kɔnɔ.

A ka ca a la mɔgɔ dusukun tantanni bɛ teliya ni a bɛ fangalabaara la walima ni farigan bɛ a la. A ka a la fana waati o waati, ni dɔ farala mɔgɔ farikolo funteni hakɛ kan ni degere kelen ye, 20 hakɛ fana bɛ fara dusukun tantanni kan.

Aw ye banabagatɔ gɛlɛn dusukun tantanni ni a farikolo funteni hakɛ jateminɛ tuma bɛɛ ka fara a ninakilicogo fana kan ka olu sɛbɛn:

A nafa ka bon ka jateminɛ kɛ dusukun tantanni na. Misali la:

📖 Gafe kɔnɔkow
← Segin kɔfɛ | Taa ɲɛfɛ →