Ni dɔgɔtɔrɔ ye pikiri sɛbɛn aw ka furaw la, aw ka kan ka mun kɛ?

Sigida 9 Labɛn ni ladilikan minnu ka kan ka matarafa pikiri kɛli kama

Pikiri ka kan ka kɛ kun jumɛn na, a man kan ka kɛ kun jumɛn na?
Ni dɔgɔtɔrɔ ye pikiri sɛbɛn aw ka furaw la, aw ka kan ka mun kɛ?
Pikiri ka kan ka kɛ bana cunnen minnu na aw masurunya dɔgɔtɔrɔso la
Aw man kan ka sɔn fura minnu pikiri ma FEWU
Faratiw ni yɛrɛ tangacogow
Gɛlɛya minnu bɛ sɔrɔ fura dɔw pikiri fɛ
Pikiribiɲɛ labɛncogo
Pikiri ka kan ka kɛ fari yɔrɔ minnu na
Pikiri kɛcogo
Pikiriw bɛ denw kɛ lujuratɔ ye cogomin na:
Pikirikɛ minɛnw saniyacogo (tobicogo)

Dɔgɔtɔrɔ dɔw bɛ pikiri sɛbɛn mɔgɔw ka furaw la ka a sɔrɔ a ɲɛci tɛ yen. O bɛɛ kɔfɛ, u bɛ tila ka pikiri kɛ wari minɛ. U tɛ pikiri gɛlɛyaw ni a kɔlɔlɔw jate dugumisɛnw kɔnɔ.

Ni dɔgɔtɔrɔ b’a fɛ ka pikiri kɛ aw la, aw ye a ɲini ka a dɔn ni pikiri in ye aw ka bana fura ye, ani ni dɔgɔtɔrɔ ye labɛnw sabati (ka alikɔli jɔsi tɛgɛw la, ani ka baarakɛminɛnw saniya).

Ni dɔgɔtɔrɔ dɔ ye pikiri sɛbɛn aw kun, aw ye a ɲɛfɔ a ye pikiri bɛ gɛlɛya minnu lase aw ma, kɛrɛnkɛrɛnnenya la, mɔgɔ caman tɛ se pikiri kɛli la dugumisɛnw kɔnɔ. Aw bɛ a ɲininka ni fura in suguya wɛrɛw bɛ sɔrɔ (a forokonilama, a kisɛma, a jima walima o ni a ɲɔgɔnnaw).

Ni jolisɛgɛsɛgɛ ma kɛ aw la, dɔgɔtɔrɔ tɛ se ka a dɔn ko pikiri witaminima ka kan ka kɛ aw la. Ni a ma joli sɛgɛsɛgɛ, aw ye a fɔ dɔgɔtɔrɔ ye ko a ka furakisɛ walima, furaji walima a fura forokonilama sɛbɛn aw kun.