Pikirikɛ minɛnw saniyacogo (tobicogo)

Banajugu caman bɛ yen i n’a fɔ Sida bana (aw ye sɛbɛn ɲɛ Sigida 24 Sidabana lajɛ), biɲɛdimi (aw ye sɛbɛn ɲɛ Biɲɛdimi lajɛ) ani kanjabana (aw ye sɛbɛn ɲɛ Nɛgɛtigɛbana lajɛ) olu bɛ se ka yɛlɛma ka a sababu kɛ pikiribiɲɛ, miseli walima minɛn wɛrɛw minnu banakisɛ ma faga (olu dɔw ye tulosɔgɔbiɲɛw, biɲɛniw, dasusubiɲɛw walima bolokolimuruw). Wololajoli caman sababu bɛ bɔ minɛn nɔgɔlenw na. Ni aw bɛna wolo tigɛ walima ka a sɔgɔ, aw ka kan ka a kɛ ni minɛn saniyalenw (tobilenw) ye.

Minɛnw saniyacogo dɔw filɛ:

• Aw bɛ a wuli miniti 30 (Ni mɔnturu tɛ aw bolo, aw bɛ malo kisɛ 1 walima kisɛ 2 bila ji la, ni o mɔnna, o kɔrɔ don ko minɛnw banakisɛ fagara.)
• Aw bɛ a tobi funteni na minɛn kɛrɛn­kɛrɛnnen dɔ kɔnɔ miniti 30 kɔnɔ
• Walima aw bɛ u bila jawɛliji la miniti 20 ɲɔgɔn (ni aw ye jawɛliji suman ni minɛn min ye, aw bɛ o minɛn kelen ɲɛ 7 ji ta) walima aw bɛ u bila alikɔli etanɔli (éthanol) 70% ji la. Ni aw bɛ se, aw bɛ ninnu dilan don o don, barisa u fanga ban ka di. (aw ye aw jija biɲɛ kɔnɔna ka saniya, aw bɛ ji sama ni a ye ka tila ka a labɔ ni ji lataalan ye biɲɛ woni fɛ.)

Ni aw bɛka mɔgɔ ladon, bana yɛlɛmata bɛ mɔgɔ min na, aw bɛ to ka aw tɛgɛw ko ni safinɛ ni ji ye.

📖 Gafe kɔnɔkow
← Segin kɔfɛ | Taa ɲɛfɛ →