Sigida 16
Ɲɛw

Ɲɛko gɛlɛya taamasiɲɛw

Ɲɛ ka ko ka gɛlɛn kosɛbɛ. An ka kan ka a lakana ka ɲɛ. An bɛna taamasiɲɛ dɔw fɔ, ni aw ye o dɔ la kelen ye dɔrɔn, aw bɛ taa dɔgɔtɔrɔso la joona.

1. Joginda fɛn o fɛn bɛ ɲɛ sɔrɔ walima ka fiɲɛ dɔ bila a la.
2. Ni kuru bɔra ɲɛ kɔnɔ ka dimi kɛ a la.
3. 
3. Dimi gɛlɛn ɲɛ kɔnɔ (a bɛ se ka kɛ ɲɛfin kan dimi ye, ɲɛnatansiyɔn walima kuru dɔ).
4. Ɲɛdimi walima kungolodimi suguya bɛɛ, ni ɲɛ kelen ɲɛmɔgɔni bɛ minɛ ka a dɔgɔya walima ka a bonya ni tɔ kelen ye.

Danfara belebele donni ɲɛkisɛw bonya cɛ, o bɛ joginda walima bana dɔ taamasiɲɛ ko fɔ kunsɛmɛ na, walima ɲɛnabana. Nka ni bonya bɛrɛ tɛ ɲɛkisɛw cɛ, o tɛ bana taamasiɲɛ ye.

5. Ni joli bɛ ɲɛyeelendonda kɔnɔ (aw ye sɛbɛn ɲɛ Joli jiginni ɲɛ yeelendonda yɔrɔ la (Hyphéma) lajɛ).
6. Ni danfara belebele bɛ ɲɛmɔgɔni fila cɛ, o bɛ se ka kɛ kunsɛmɛnafiɲɛ taamasiɲɛ ye, fiɲɛ bilalen kunsɛmɛ jolisira la, ɲɛnatansiyɔn walima bana ɲɛfin kan.
7. Ni mɔgɔ ɲɛ kelen walima a filasi tɛ yelikɛ ka ɲɛ. Ni jɛ walima falaka bɛ ɲɛmɔgɔni kan. O bɛ se ka kɛ kansɛri taamasiɲɛ ye walima ɲɛkanfalaka (aw ye sɛbɛn ɲɛ Ɲɛkanbugun lajɛ).
8. Ni ɲɛdimitulu (pommade antibiotique) ma se ka ɲɛdimi nɔgɔya tile 5 walima tile 6 kɔnɔ.

📖 Gafe kɔnɔkow
← Segin kɔfɛ | Taa ɲɛfɛ →