Kɔnɔtiɲɛni a yɛrɛma

Kɔnɔtiɲɛni bɛ se ka kɛ ka den janya to santimɛtiri 1 na walima santimɛtiri 2 la.

Tile 30

Tile 60

Kɔnɔ ka tiɲɛ a yɛrɛ ma, o ka teli ka kɛ kɔnɔbara kalo 3 fɔlɔw de la. Wa a caman na, den salen de bɛ na.

Kɔnɔtiɲɛ bɛ muso caman sɔrɔ u ka ɲɛnɛmaya kɔnɔ k’a sɔrɔ u m’a jateminɛkɛ’o don. Tuma caman na u tɛ bɔ a kalama fana a bɛ k’u hakili la k’u ka kalolabɔ nana cogoya wɛrɛ la ni joli kuruniw bɛ kɛ o kalolabɔw la. O la, kɔnɔtiɲɛ dɔnni nafa ka bon barisa farati b’a dɔw la.

Kalolabɔ mana jɔ ka tɛmɛ kalo kelen kan, ni muso y’a ka laada ye o kɔ, o ye kɔnɔtiɲɛ taamasiɲɛ ye.

Kɔnɔtiɲɛ bɛ i n’a fɔ jiginni: Den sebali ni tonso fila bɛɛ ka kan ka bɔ. Tuma dɔw la, basi bɔnni ni dimi gɛlɛn bɛ to sen na fo den ni tonso fila bɛɛ ka bɔ ka ban. Ni kɔnɔtiɲɛ kɛra kɔnɔ tile bisaba walima a tile biwɔɔrɔ, den janya tɛ tɛmɛ santimɛtiri kelen walima fila kan.

Muso furakɛli kɔnɔtiɲɛ kɔfɛ

Ni basi bɔta ma caya, a tɛ gɛlɛya lase muso ma. O la, labɛn minnu bɛ kɛ jiginni na, o labɛn kelenw de bɛ kɛ kɔnɔtiɲɛ na. A ka c’a la, den sebali de bɛ na, o farati man bon.

Muso ka kan ka Ibiporofɛni (Ibuprofène) ta dimi na walima Kodeyini (Codéine) ni k’a lafiɲɛ.

Ni basibɔn kuntaala ye tile caman sɔrɔ, a ka kan ka fɛn min kɛ, o filɛ:

• A bɛ taa dɔgɔtɔrɔso la k’a kɔnɔ ko.
• Muso dalen ka kan ka to fo ka basibɔn juguman nɔgɔya. A k’a lafiɲɛ tile saba basi jɔlen kɔfɛ.
• Ni basi bɔnta tɛmɛna hakɛ kan, aw bɛ sɛbɛn ɲɛ Jolilajɔ fura kɛcogo ɲuman kɔnɔ kunnafoniw kalan k’a furakɛcogo dɔn.
• Ni farigan de don walima bana wɛrɛw, aw b’olu furakɛ i n’a fɔ jiginni kɔfɛ banaw bɛ furakɛ cogo min. (Aw ye sɛbɛn ɲɛ Jiginni kɔfɛ banaw lajɛ).
• Kɔnɔtiɲɛ kɔfɛ, basibɔn bɛ se ka to sen na tile caman. A bɛna i n’a fɔ koli nacogo.
• Kɔnɔtiɲɛ kɔfɛ, muso man kan ka kafoɲɔgɔnya kɛ sani basi ka jɔ pewu.
• Ka muso to bangekɔlɔsi fɛɛrɛkan min bɛ wele ko DUI, n’a kɔnɔ tiɲɛna, o bɛ se ka bana jugumanba bila a la. Aw bɛ taa dɔgɔtɔrɔso la joona, ka DUI labɔ ani ka banakisɛ faga furaw ta.

📖 Gafe kɔnɔkow
← Segin kɔfɛ | Taa ɲɛfɛ →