Sigida 19 Denbaw ni matɔrɔniw ka kunnafoniw

Sigida 19
Denbaw ni matɔrɔniw ka kunnafoniw

Muso ka kalolabɔ

Muso ka kalolabɔ bɛ daminɛ a san 11 n’a san 16 cɛ. A bɛ na ka kɔn kalo tile mugan ni segin ɲɛ walima o kɔfɛ. A kuntaala bɛ se tile 3 ma walima tile 4. O b’a jira k’a si sera kɔnɔta ye.

Waati dɔw la, kalolabɔ bɛ kɔnɔdimi bila npogotigini na ani fana a tɛ na a nacogo la tuma bɛɛ. Nin gɛlɛyaw de bɛ npogotigini kan kɔsɛbɛ, nka a ka c’a la o tɛ bana taamasiɲɛ ye.

Ni koli kɔnɔdimi bɛ npogotigini na:

A man kan k’a da n’a ye, o b’a juguya.

Ja

A ka kan k’a taama taama.

Ja

A bɛ se ka furaw ta minnu bɛ se ka dimi mada

Ja

Fana, a bɛ se ka furaw ta minnu bɛ se ka dimi mada i n’a fɔ asipirini, aspirine walima fura wɛrɛw i n’a fo ibiporofɛni, ibuprofène. O bɛɛ kɔfɛ, a bɛ se ka fini dɔ su ji kalan na k’o d’a kɔnɔ kan.

Koli waati la, npogotigini ka kan k’a yɛrɛ saniya, ka sunɔgɔ ka ɲɛ, ka dumuni kɛ ka ɲɛ ani k’a ka sokɔnɔbaara kɛta kɔrɔw kɛ (i n’a fɔ a tun b’a kɛ cogo min kɔrɔlen). Baasi t’a la muso ka kafoɲɔgɔnya kɛ koli waati. (Nka ni sidabana bɛ kafoɲɔgɔnw dɔ la kelen na, bana yɛlɛmani ka teli.)

Koli/kalolabɔ gɛlɛyaw taamasiɲɛw

📖 Gafe kɔnɔkow
← Segin kɔfɛ | Taa ɲɛfɛ →