Sigida 21 Denmisɛnw Ladonni
I b’i jija ka den ka mɔni kunnafonitasɛbɛn dɔ kɔnɔ, i n’a fɔ min ɲɔgɔn bɛ gafe in ɲɛ nata kɔnɔ. Den ba walima den ladonbaa ka kan ka o sɛbɛn in mara. I bɛ a sɛbɛn in cogoya ɲɛfɔ a ye walasa a k’a dɔn ni a den bɛ ka jigin ka bɔ kɛnɛya kɔnɔ ka na banani fan fɛ.
Kɛta 1: I bɛ i den wolokalo sɛbɛn nin yɔrɔ la: nin sɛbɛn b’a jira ko den.
Kɛta 2: I bɛ kalo minnu bɛ na ka da i den wolokalo kan olu tɔgɔ sɛbɛn.
Kɛta 3 I b’i jija k’i den pese k’a girinya hakɛ dɔn kilogaramu la
Kɛta 4: I kɛ o kɛ ka den pese kalo o kalo, i bɛ o taamasiɲɛ bila ni tomikurunin dɔ kɛli ye sɛbɛn kan. I bɛ tila ka o kuruninw bila ɲɔgɔn na ni ci kɛli ye u ni ɲɔgɔn cɛ. Ni den ka kɛnɛya bɛ ka sabati ka taa fɛ, i b’a ye ko kurunin kura bɛ kɛlen laban ni san cɛ kalo o kalo.
Laɲini ye min ye o ye den ka mɔni ka sabati ka taa a fɛ. A ka mɔni kana jɔyɔrɔ kelen na. A kana dɛsɛ a ka mɔni dakun kɔrɔma.
Den mɔni taamaseerelanw lajɛ tiiri taacogo fɛ
A ka ɲi
Den ka mɔcogo ka ɲɛ
Farati
Dɔ tɛ ka fara den kan o min bɛ dɔn n’a girinya toli ye a nɔ na kalo o kalo. I jija i k’a kun ɲini k’a dɔn
Juguman
Dɔ b’a la ka bɔ den girinya kalo o kalo. O bɛ bana kofɔ. O densugu mago bɛ ladonni kɛrɛnkɛrɛnnen na.
N’i y’a dɔn ko den dɔ tɛ ka mɔ a cogo la, i bɛ i ka lajɛliw caya. I b’a lajɛ n’i bɛ se dɔ fara a ka dumuni kan cogo min na. I bɛ jateminɛ kɛ bana minnu ka teli ka kɛ a nkeseli in sababu ye.