Sigida 19 Denbaw ni matɔrɔniw ka kunnafoniw
Ni musoya joginna jiginni senfɛ, aw bɛ dɔgɔtɔrɔ dɔ wele walima tinminɛmuso min bɛ se ka joginda kala.
Jiginni waati, den bɔda ka kan ka dayɛlɛ kosɛbɛ. Tuma dɔw la, musoya jogin ka di n’a kɔnɔɲɛ fɔlɔ don. Ni jiginni baaraw kɛra u kɛcogo ɲuman na, o bɛ se ka joginni bali:
Muso man kan k’a tɔntɔn ni den kungolo bɔra, o b’a to den nasira bɛ bonya a yɛrɛ ma. Ka ninakili teliya ɲɔgɔn kɔ, o ka fisa ni tɔntɔni ye o waati la.
Ni den nasira bɛka yɛlɛ, dɔgɔtɔrɔmuso bɛ se k’a bolo kelen kɛ den nasira yɛlɛli nɔgɔya, ka kelen dɔ in kɛ ka den kungolo minɛ ka ɲɛ walasa a kana bala ka bɔ i n’a fɔ tan:
Aw bɛ se ka fɛɛrɛ wɛrɛw kɛ ka den nasira yɛlɛli nɔgɔya i n’a fɔ ka tulu mu a la walima ka fini dɔ su jikalan na k’o d’a kan.
Ni musoya joginna, aw bɛ mɔgɔ bila k’a kala min b’a baara ɲɛdɔn tonso bɔra (sɛbɛn ɲɛ Joginda kalali ni Lidokɛni, lidocaïne. lajɛ).