Ɲɛnatumu

Nin ɲɛ suguya bɛ sɔrɔ tukɔnɔ jamana funtenimaw la Farafinna tilebin yanfan fɛ. A bana bɛ sɔrɔ dimɔgɔ bilenni dɔ ka kinni fɛ, dimɔgɔni min bɛ wele ko kirizopisi (Chrysops).

A taamasiɲɛw:

• Kurubaw bɛ bɔ bolokɔw la, ɲɛdawolow la walima senw na, funu minnu bɛ bɔ baara jalan kɛlen kɔ. A funuw. A funuw ɲɛ bɛ kɛ bulama ye, nka u tɛ kalaya, u tɛ magaya i n’a funu nɛmaw. O sababu bɛ bɔ tumuni kɔkɔbaliniw la. Funuw bɛ jigin u yɛrɛma tile damadɔ kɔfɛ.
• A ka ca a la tuma dɔw la tumu kɔkɔlen taamatɔ bɛ se ye mɔgɔ ɲɛ jɛman yɔrɔ kan, ɲɛdawolo kɛrɛfɛ.
• A tumu jɛlen don, wa a janya bɛɛ ye santimɛtiri 4 ye; a bɛ se ka santimɛtiri tilancɛ taama miniti o miniti. Tumu kɔkɔbaliw tɛ don ɲɛ na i n’a fɔ a kɔkɔlenw, olu minnu bɛ kɛ sababu ye ka mɔgɔ fiyen, i n’a fɔ fiyenbana.

Ni aw ye a furakɛ ni Diyetilikaribamazini, Diéthylcarbamazine ye, o bɛ tumu kɔkɔlenw ni a kɔkɔbaliw bɛɛ faga, ka a sɔrɔ a ma ŋɛɲɛ bila aw la. Ni a kɔnna ka dɔn, kirinnina tonita bɛ kɛ ɲɛ na ka a opere joona ka tumu labɔ min bɛ se ka a bana ban.

📖 Gafe kɔnɔkow
← Segin kɔfɛ | Taa ɲɛfɛ →