Tulow
Tamanw
Wololakansɛri ka ca mɔgɔw farilajɛw de la, a bɛ fariyɔrɔw minɛ, tile bɛ sigi minnu kan ka caya:
Tulow
Tamanw
Nu
Dawolow
Wololakansɛri suguya ka ca. A min bɛ mɔgɔw minɛ ka caya, o de ye kurumisɛnlama ye min bɛ to ka bonya dɔɔni dɔɔni.
A ca a la wololakansɛri farati man bon ni a furakɛra a tuma na. A caman bɛ opere. Ni joli basigilen bɛ aw la, o bɛ se ka kɛ wololakansɛri ye, aw bɛ taa kɛnɛyabaarakɛla dɔ fɛ yen. Ni goroni walima kuru wɛrɛ bɛ aw la, ni aw ye a ye u bɛka yɛlɛma cogo wɛrɛ la, aw bɛ taa aw yɛrɛ lajɛ dɔgɔtɔrɔso la.
Walasa ka wololakansɛri kɛlɛ, mɔgɔ farilajɛw (kɛrɛnkɛrɛnnenyala yefukew) ka kan ka u yɛrɛ tanga tile ma, u ka kan ka fugulan don tuma bɛɛ. Wololakansɛri delila ka mɔgɔ minnu minɛ, ni o tigilamɔgɔw ka baara ye tilekɔrɔbaara ye, u kan ka u yɛrɛ tanga tile ma ni munitulu kɛrɛnkɛrɛnnenw ye (crème solaire), i n’a fɔ ɔkisidi zɛnkima (oxyde de zinc) a da ka nɔgɔ wa a ka ɲi fana.