Sumuniw ni funuw

Sumuni ye kuru ye min bɛ bɔ mɔgɔ wolo kɔrɔ ka nɛ ta. A bɛ se ka sɔrɔ banakisɛ donni fɛ si bɔyɔrɔ fɛ. Pikiri kɛli ni biɲɛ tobibali ye, o nɔ bɛ se ka funu. A dimi ka bon kosɛbɛ; a yɔrɔ kɛrɛdaw bɛ bilen ka kalaya, farigan ni gɛnɛgɛnɛ bɛ se ka don a senkɔrɔ (gɛnɛgɛnɛw bɛ funu)

A furakɛcogo

• Aw bɛ bandi su jikalan na, ka o da a la siɲɛ caman don o don, i n’a fɔ a ɲɛfɔlen don cogo min na sɛbɛn ɲɛ Finimugu kalaman dacogo na.
• Aw bɛ a to funu ka ci a yɛrɛ ma. Ni a cira, aw bɛ to ka bandi kalaman da a la.
• Aw bɛ nɛ bila a ka bɔ a yɛrɛ ma, aw kana a bisi, barisa o bɛ a to bana ka jɛnsɛn.
• Ni dimi bɛ nɛmayɔrɔ la, ni a ma fara tile 2 walima tile 3 kɔnɔ, aw bɛ se ka a fara walasa a nɛ ka bon. O bɛ dɔ bɔ dimi na. Aw bɛ se, aw bɛ dɔgɔtɔrɔ dɔ ka dɛmɛ ɲinin.
• Ni a ye farigan walima gɛnɛgɛnɛ bila aw la, aw bɛ penisilini, pénicilline walima eritoromisini, érythromycine walima dikulɔkisisilini, dicloxacilline ta. Aw ye miligaramu 500 ta, siɲɛ 4 don o don fo tile 7.

📖 Gafe kɔnɔkow
← Segin kɔfɛ | Taa ɲɛfɛ →