Kuruw ni nɔfimanw
Tuma dɔw la kurukuru bɛ bɔ denmisɛnnamɔgɔw ɲɛda, u disi walima u kɔ la, kɛrɛnkɛrɛnnenya la ni tulu ka ca u wolo la. Kurukuruw nukun bɛ jɛya, nɛ walima nɔgɔ fiman bɛ se ka kɛ u la. Tuma dɔw la u bɛɛ bɛ kɛ jolimisɛnni ye ka bonya.
A furakɛcogo
- Aw bɛ aw ɲɛda ko ni safinɛ ni jikalan ye siɲɛ 2 tile kɔnɔ.
- Aw bɛ aw kunkolo ko tile 2 o tile 2, ni o ka nɔgɔ aw ma.
- Aw bɛ dumuni nafama dun, ka ji caman min, ka sunɔgɔ ka ɲɛ.
- Tuma dɔw la, ka kurukurumayɔrɔ ninnu jɔ tile kɔrɔ, o ka fisa a ma; nka tuma dɔw la fana o bɛ se ka a juguya.
- Aw kana mutulu walima kunsigilatulu mu a la, olu ma ɲi a ma.
- Aw da tuma, aw bɛ aw ɲɛda jɔsi ni alikɔli ni kiribi (sulfure) ɲagaminen ye (aw bɛ alikɔli hakɛ caya ni kiribi hakɛ ye).
- Ni a jugumanba don, sumuniw bɛ a la fo ka a kɛ furakɛcogo kofɔlen in tɛka a nɔgɔya, aw bɛ tetarasikilini (tétracycline) ta (furaforokoni 4 tile 3 kɔnɔ, o kɔ forokoni 1 ka se 2 ma don o don, tuma dɔw la kalo damadɔ kɔnɔ).
- Aw kana tulufarimanw mu a la abada (aw ye gafe ɲɛ Kurukuru ni ŋɛɲɛ furakɛ tuluw, Pommade corticostéroïdes lajɛ).
📖 Gafe kɔnɔkow
← Segin kɔfɛ | Taa ɲɛfɛ →
