Jolimisɛnni ni kisɛkisɛni nɛmaw

Farilajolimisɛnni ka nɛbɔ sababu bɛ bɔ kinnifɛnw ka kinni, jolifɔn, walima ŋɛɲɛ wɛrɛw siyɛnni de la ni sɔni nɔgɔlen ye.

A furakɛcogo

Aw bɛ folow wuli, ka a yɔrɔ ko ni jikalan ni banakisɛfagalansafinɛ ye (Dakin). Aw bɛ o kɛ don o don fo a ka nɛ ban.
Ni u dayɛlɛlen don ka ban, aw bɛ u to fiɲɛ na. Ni jolidabaw don, aw bɛ to ka olu furakɛ.
Ni joli kɛrɛdaw bilenna, walima ka kalaya, ni a bɛ farigan walima gɛnɛgɛnɛ bila aw la, aw bɛ banakisɛfagalan dɔw ta i n’a fɔ penisilinikisɛ (pénicilline) (aw ye sɛbɛn ɲɛ Pikirimuguw (penisilini, pénicilline) lajɛ) walima silifamidiw, sulfamides (aw ye sɛbɛn ɲɛ Silifonamidi, Sulfamidés lajɛ)
Aw kana kisɛkisɛniw siyɛn, o bɛ u juguya ani fana a bɛ se ka u jɛnsɛn farifan bɛɛ la. Aw bɛ denmisɛnniw sɔniw tigɛ ka u surunya, ni o tɛ aw bɛ gan walima sosɛti don u tɛgɛ la walasa u kana u yɛrɛ siyɛn.
Nin banamisɛnni suguyaw yɛlɛma ka di; o de la, aw man kan ka a to kisɛkisɛni caman bɛ denmisɛn min na, o tigi ni denmisɛn tɔw ka dorogo ɲɔgɔn na ka mɛn.