Foroforo
Kurukurunibana don min bɛ joliw bɔ mɔgɔ fari la, kɛrɛnkɛrɛnnenya la denmisɛnw da kɛrɛdaw la. Kisɛkisɛniw ɲɛ bɛ kɛ i n’a fɔ nɛrɛ. Foroforo ka teli ka sɔrɔ jolidaw ni sɔni nɔgɔlenw fɛ.
A furakɛcogo
- Aw bɛ kisɛkisɛniw dayɛlɛ ka jolimayɔrɔw ko ni jikalan ni safinɛ ye siɲɛ 3 walima siɲɛ 4 don o don.
- Aw bɛ tila ka furabilenni, violet de gentiane walima pɛrimanganati mu a la walima banakisɛfagatulu dɔ, i n’a fɔ pɔlisipɔrini (Polysporin) bɛ banakisɛfagatulu min na.
- Ni jolida ka bon, walima ni farigan bɛ a senkɔrɔ, aw bɛ kulɔkisisilini, cloxacilline walima dikulɔkisisilini, dicloxacilline ta. Ni a tigi fari tɛ sɔn penisilininafura ma, walima a tɛ ka kɛnɛya, aw bɛ dɔkisisikilini, doxycycline walima kotiri, cotrimoxazole di a ma.
Yɛrɛtangacogo foroforo ma:
- Aw bɛ farikolo saniyali matarafa. Aw bɛ denmisɛnw ko don o don, ka u lakana ka bɔ dabiw ni kinnifɛnw ka kinni ma. Ka u furakɛ joona ni maɲa bɔra u la.
- Foroforo bɛ denmisɛn min na, o man kan ka dorogo (ka tulonkɛ, ka si) tɔw la. Aw bɛ a furakɛli daminɛ kabini aw ye a taamasɲɛ fɔlɔw ye.
📖 Gafe kɔnɔkow
← Segin kɔfɛ |
Taa ɲɛfɛ →
